Ўзбекистон терма жамоаси FIFA рейтингида юқорилади

TASHKENT. Kazinform - FIFA март ойи якунларига кўра ўзининг янгиланган рейтингини эълон қилди. Мазкур рейтингда Ўзбекистон миллий терма жамоаси бир поғона юқорига кўтарилди, деб хабар беради Kazinform агентлиги UzAга таяниб.

Аниқроқ айтадиган бўлсак, Ўзбекистон терма жамоаси март ойида 2026 йилда бўлиб ўтадиган Жаҳон чемпионати Осиё минтақаси 3-саралаш босқичи доирасида Қирғизистонни мағлуб этиб, Эрон термаси билан дуранг қайд этган эди. Бунинг натижасида FIFA рейтингида 1437.02 очко жамғариб, 57-ўринни банд этди.

Рейтингнинг энг юқори поғонаси Аргентина терма жамоасига тегишли бўлиб турибди. Унинг ортидан Испания ва Франция терма жамоалари бормоқда. Осиё жамоалари орасида эса энг юқори натижа Японияга тегишли бўлди. Ушбу жамоа март ойидаги рейтингга кўра, 15-ўринни банд этган бўлса, Эрон 18-поғонадан жой олди. Шунингдек, Жанубий Корея 23, Австралия 26, Қатар 55-ўринда қайд этилди.

Эслатиб ўтамиз, Ўзбекистон терма жамоаси Эрон билан дуранг ўйнади.