Ўзбекистон Скандинавиядаги Nordic Organic Food Fair ярмаркасида иштирок этди

Швециянинг Мальмё шаҳрида бўлиб ўтган Скандинавиядаги энг йирик органик маҳсулотлар ярмаркаси – “Nordic Organic Food Fair” кўргазмасида Ўзбекистон маҳсулотлари намойиш этилди, деб хабар беради Kazinform агентлиги UzAга таяниб.

Элчихона томонидан ташкил қилинган миллий бўлимда “Global Export Company” мамлакат заминида етиштирилган органик қуритилган мева ҳамда дуккакли маҳсулотларни тақдим қилмоқда.

Ҳар йили ўтказиладиган “Nordic Organic Food Fair” пештахтасидан органик сертификатга эга ранг-баранг егулик ва ичимликлар жой олади.

Ушбу халқаро тадбир чоғида “Global Export Company” МЧЖ Европанинг йигирмага яқин мамлакати, жумладан Швеция, Норвегия ва Дания компаниялари билан ўзбек маҳсулотлари экспорти бўйича дастлабки келишувга эришди. Шунингдек, мамлакат элчихонаси ва “Nordic Organic Food Fair” ташкилотчилари ўртасида ушбу кўргазманинг 2024 йил 9-10 октябрь кунлари Стокгольмда ўтказиладиган навбатдаги тадбирида ҳам Ўзбекистон вакиллари иштироки юзасидан келишиб олдилар.