20:37, 13 Январь 2025 | GMT +5
Ўзбекистон Қозоғистонга 11 ойда 8 минг тоннадан зиёд ўрик экспорт қилган
TASHKENT. Kazinform – ЎР Статистика агентлиги маълумотларига кўра, 2024 йилнинг январь-ноябрь ойларида Ўзбекистон қиймати 62,2 миллион долларга тенг бўлган 64,8 минг тонна ўрикни хорижга экспорт қилди.

Энг кўп ўрик сотилган давлатлар орасида Россия биринчи ўринда бўлиб, унга 51,4 минг тонна етказилган.
Иккинчи ўринда Қозоғистон – 8 минг тоннадан ортиқ, учинчи ўринда эса Қирғизистон – 2,6 минг тонна ўрин олди.
Шунингдек, Озарбайжонга 1 483 тонна, Беларусга 720,5 тонна, Ироққа 112,1 тонна, Грузияга 78,7 тонна ва Украинага 58,3 тонна ўрик экспорт қилинган.
Қолган давлатларга эса умумий ҳисобда 134,3 тонна ўрик етказиб берилган.