Ўзбекистон ҳукумати гиёҳвандлик воситаларини интернетда реклама қилганларга нисбатан жазони кучайтирди
TASHKENT. Kazinform – Ўзбекистонда телекоммуникация тармоқларидан фойдаланган ҳолда гиёҳвандлик воситалари ёки психотроп моддаларни реклама қилувчи ва вояга етмаганларни жалб қилган шахсларга нисбатан қонунчилик кучайтирилди, деб хабар беради Каzinform агентлигининг Тошкентдаги мухбири Алихан Асқар.
Жиноят, Жиноят-процессуал ва Маъмурий жавобгарлик тўғрисидаги кодексларга тегишли ўзгартиришлар киритилди. Ҳужжатни Ўзбекистон Президенти Шавкат Мирзиёев 5 октябрь куни имзолаган.
Мазкур кодексларга янги моддаларни киритиш тўғрисидаги қарор жорий йилнинг апрель ойида Олий Мажлис Қонунчилик палатаси томонидан қабул қилинган, кейин эса июнь ойида сенаторлар томонидан маъқулланган эди.
Шунга кўра, интернет тармоғида гиёҳвандлик воситалари ёки психотроп моддаларни реклама қилган шахсларга нисбатан жиноий ва маъмурий жазо чоралари қўлланилади.
Шунингдек, гиёҳванд моддаларни сотиш ниятида бўлмаган ҳолда сақлаганлар учун ҳам жавобгарлик қатъий бўлади. Ушбу моддага кўра энг оғир жазо 3 йилга озодликдан маҳрум қилишдир.
