Ўзбекистон фуқароси 17.315.000 сўмга “PUBG” аккаунтини сотиб, уни харидорга бермай қўйган

Кибержиноят
Фото: ҚР ИИВ ТҚД Киберхавфсизлик маркази

Наманган вилояти Норин туманида яшовчи 21 ёшли Т.И. ИИОга мурожаат қилиб, банк картасидан жами 17.315.000 сўм миқдоридаги пул маблағлари номаълум шахс томонидан фирибгарлик йўли билан ўзлаштирилганлигини маълум қилган, деб хабар беради Kazinform агентлиги Ўзбекистон Республикси ИИВ ТҚД Киберхавфсизлик марказига таяниб хабар беради.

Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Самарқанд вилояти Самарқанд туманида яшовчи 21 ёшли А.И. содир этганлиги аниқланган.

Унга кўра, А.И., жабрланувчи Т.И. билан “Телеграм” мессенжерининг “monstersavdo” номли канали орқали танишиб, унга гўёки кучайтирилган “PUBG” аккаунтини сотиши ҳақида айтиб уни алдаб, ўзининг фойдаланувида бўлган банк картасига олдиндан 17.315.000 сўм миқдоридаги пул маблағларини ўтказдириб олгандан сўнг ўзаро келишмовчилик туфайли 12.000.000 сўм пулларини қайтарган, қолган қисмини қайтармасдан турли баҳоналар қилиб, ёзишмаларни ўчириб юбориб, пулларини ўз эҳтиёжларига сарфлаб юборган.

"Мазкур ҳолат юзасидан Ўзбекистон Республикаси ЖКнинг 168-моддаси 3-қисми “г” банди билан жиноят иши қўзғатилиб, А.И.нинг содир этилиб, фош этилмай қолган бошқа шу турдаги жиноятларга алоқадорлигини текшириш мақсадида тергов, тезкор-қидирув ҳаракатлари давом эттирилмоқда", - дейилади хабарда.

Қонунга мувофиқ, Ўзбекистон Республикаси Жиноят кодексининг 168-моддаси 3-қисми “г” бандидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.

Сўнгги хабарлар