Ўзбекистон дори воситаларини маҳаллий ишлаб чиқаришни кўпайтиришни режалаштирмоқда

Ўзбекистонда маҳаллий дори ишлаб чиқарувчилар улушини 18 фоиздан 40 фоизга ошириш учун шарт-шароит яратилади. Ўзбекистон Президенти Шавкат Мирзиёев фармацевтика тармоғини ривожлантириш кенгашида масъул органларга шундай топшириқ берди, деб хабар беради Кazinform агентлиги мухбири.

Кенгашда Ўзбекистонда зарур хомашё мавжудлиги, тилга олинган саноатни ривожлантириш учун барча шароит яратилгани таъкидланди.

“Сўнгги олти йилда фармацевтика маҳсулотлари ишлаб чиқариш 3 баробар, экспорт 6 баробар ошди. 525 миллион долларлик 177 та лойиҳа ишга туширилди, жами 50 минг иш ўрни яратилди. Бундан ҳам юқори кўрсаткичларга эришиш имкониятимиз бор. Ҳар йили одамлар 1,6 миллиард долларга дори сотиб олади. Маҳаллий ишлаб чиқарувчиларнинг улуши эса бор-йўғи 18 фоизни ташкил этади, қолгани импорт ҳисобидан таъминланади”, – деди Шавкат Мирзиёев.

Бу борада тегишли органларга тадбиркорларнинг лойиҳаларини қўллаб-қувватлаш, хорижий тажрибани ўрганиш, мамлакатга таниқли брендларни жалб этиш вазифаси юклатилди.

“Мамлакатда кўп қўлланиладиган 50 турдаги дори воситаларини ишлаб чиқаришни ташкил этиш орқали изоляцияни 35 фоизга етказиш зарур. Шунингдек, «Tashkent Pharma Park» кластери қурилишини жадаллаштириш ва унга хусусий шерикларни жалб қилиш зарур”, – деб топшириқ берди Ўзбекистон раҳбари.

Бунинг учун фармацевтика корхоналарига GMP халқаро стандартига ўтиш ва маркалаш тизимини жорий этишда кўмак берилади. Бу соҳада умумий қиймати 1,5 миллиард долларлик 173 та лойиҳа амалга оширилади. Уни молиялаштириш учун 600 миллион доллар ажратилади. Ушбу лойиҳаларни амалга ошириш натижасида 2024 йилда 400 миллион долларлик маҳсулот ишлаб чиқариш режалаштирилган.

 

Муаллиф: Алихан Асқар