Ўзбекистон чегарасида аёл ўз набирасидан ноқонуний ташиш учун фойдаланган

TASHKENT. Kazinform - Ўзбекистон божхоначилари Қозоғистон билан чегарадаги “Малик” назорат-ўтказиш пункти орқали катта миқдордаги тилла тақинчоқларни Ўзбекистон томонига олиб ўтмоқчи бўлган аёлни аниқлади, дея хабар беради Kazinform агентлигининг Тошкентдаги мухбири Алихан Асқар.

Ўзбекистон Божхона қўмитаси матбуот хизмати хабарига кўра, чегара постидан ўтмоқчи бўлган аёлнинг оёқларига ўралган ҳолда 19 дона ўрам топилган.

Унинг ичида бриллиант тошлар билан безатилган ва қимматбаҳо металлардан ясалган 468 та заргарлик буюмлари яширинган.

Аниқланган аёл 14 ёшли набирасидан ҳам ноқонуний ташиш учун фойдаланган. Вояга етмаган қизни кўздан кечириш чоғида 12 та ўрамда 454 дона заргарлик буюмлари аниқланган.

922 та безак буюмларининг умумий оғирлиги 6,7 килограммдан ортиқ, қиймати эса 5,6 миллиард сўмни (213,8 ​​миллион тенгега яқин) ташкил этади.