Ўзбекистон – Афғонистон савдо айланмаси 3 миллиард долларга етади

TASHKENT. Kazinform - Ўзбекистон Республикаси инвестициялар, саноат ва савдо вазири Лазиз Қудратов Сурхондарё вилоятидаги “Термиз” халқаро савдо марказида Aфғонистон савдо вазири Нуриддин Aзизий бошчилигидаги делегация билан учрашди, деб хабар беради Kazinform агентлиги UzAга таяниб.

Қизғин фикр алмашиш чоғида савдо-иқтисодий муносабатнинг бугунги ҳолати ва алоқаларни ривожлантириш истиқболи муҳокама қилинди. Суҳбат давомида ўзаро савдо миқдорини 3 миллиард долларга етказиш бўйича аниқ чора-тадбирлар белгилаб олинди.

Томонлар қишлоқ хўжалиги, тўқимачилик, фармацевтика, озиқ-овқат ва тоғ-кон саноати соҳаларида ҳам ўзаро манфаатли ҳамкорлик ўрнатиб, саноат кооперациясини ривожлантириш бўйича навбатдаги тадбирларни кўриб чиқишди.

Учрашув доирасида ҳар икки томондан 60 га яқин тадбиркор иштирокида B2B музокаралари ташкил этилиб, ишбилармон доиралар вакиллари янги қўшма лойиҳалар ва савдо шартномалари бўйича келишииб олдилар.

Эслатиб ўтамиз, аввалроқ Қозоғистон ва Ўзбекистон ўртасида 4 та қўшимча савдо йўлаклари очилиши ҳақида хабар берган эдик.