Ўзбекистон 2027 йилга бориб картошка импортига қарамликдан халос бўлиш ниятида
TASHKENT. Kazinform – Ўзбекистон 2027 йилга бориб ички бозорни картошка билан тўлиқ таъминлаш имкониятига эга бўлиши керак, деб хабар беради Kazinform агентлигиниг Ўзбекистондаги мухбири Алихан Асқар.

Ўзбекистон Президенти Шавкат Мирзиёев фермерларни қўллаб-қувватлаш масалалари муҳокама этилган кенгашда мутасадди ташкилотларга шундай топшириқ берди. Ҳозирги вақтда республика эҳтиёжни импорт ҳисобига қопламоқда.
Ўзбекистонда 290 минг гектар майдонда картошка етиштирилади. Бироқ фермерлар юқори ҳосил олишга қодир эмас. Шу муносабат билан Шавкат Мирзиёев маҳаллий иқлимга мос картошка навларини етиштириш бўйича кўрсатмалар берди.
Кенгаш якунлари бўйича маълум бўлишича, жорий йилда Қишлоқ хўжалигини қўллаб-қувватлаш жамғармаси томонидан картошка майдонларини кенгайтириш учун 400 миллиард сўм (30,8 миллион долларга яқин) маблағ ажратиш режалаштирилган. Бундан ташқари, хориждан келтирилган уруғлик картошка 3 йил муддатга божхона тўловидан озод қилинган.
Эслатиб ўтамиз, ўтган йилнинг 11 ойида Ўзбекистон 52,6 миллион долларлик 627 минг тонна картошка импорт қилган. Расмий равишда Қозоғистон ушбу сабзавотнинг 74 фоизини Тошкентга экспорт қилган. Бундан ташқари, Ўзбекистон Қирғизистон ва Покистондан картошка сотиб олган.