Uzbekistan Airways вақтинча Ироқ ва Эрон ҳаво ҳудудини айланиб ўтади

TASHKENT. Kazinform - Uzbekistan Airways 2 октябрдан бошлаб, Ироқ ҳаво ҳудуди ва Эрон ҳаво ҳудудининг ғарбий қисмини айланиб ўтади, деб ёзади yuz.uz.

Бу бўйича Ўзбекистон Республикаси Фуқаро авиацияси агентлиги кўрсатма берган. Uzbekistan Airways мазкур кўрсатмага амал қилган ҳолда, аниқ кўрсатмага қадар мунтазам парвозларни амалга оширишини маълум қилди.

Компания парвозларнинг максимал хавфсизлигини таъминлаш учун муқобил йўналишлардан фойдаланган ҳолда Тошкент - Тел-Авив - Самарқанд/Тошкент йўналиши бўйича мунтазам авиақатновларни амалга оширишни давом эттиради.