UWW рейтингида қозоғистонлик курашчи етакчилик қилди

ASTANA. Kazinform – Эркин кураш бўйича Қозоғистон жамоасининг энг яхши спортчиси Азамат Даулетбеков Бирлашган кураш дунёси (UWW) янгиланган рейтингида пешқадамлик қилди.

Бир неча кун олдин у Бишкекда ўтказилган кураш бўйича Осиё чемпионатида ғолибликни қўлга киритган эди. Ушбу ғалабадан сўнг 52 400 очко билан 86 кг вазн тоифасида UWW рейтингида америкалик Дэвид Тейлор ўрнига биринчи ўринга кўтарилди.

Азамат Даулетбеков қаторасига учинчи бор Осиё чемпиони бўлди. Бундан ташқари, Даулетбеков 2022 ва 2023 йилги жаҳон чемпионатларининг бронза медали совриндори ҳисобланади.

86 кг вазнда кучли бешликка кирган полвонлар:

1-ўрин – Азамат Даулетбеков – 52400 балл (Қозоғистон)

2-ўрин - Дэвид Тейлор - 45 000 (АҚШ)

3-ўрин - Майлс Назем - 44000 (Сан-Марино)

4-ўрин – Ҳасан Яздоний – 37000 (Эрон)

5-ўрин – Жабраил Шапиев – 33000 (Ўзбекистон)

Эркин кураш бўйича Қозоғистон терма жамоасининг яна бир вакили Ризабек Айтмухан 92 килограмм вазнда жаҳон рейтингида иккинчи ўринни эгаллаган бўлса, Бишкекдаги мусобақада бронза медали соҳибига айланган Мейрамбек Қартбай (57 килограмм) тўртинчи ўринни эгаллади.