Ўтган йили чет эллик сайёҳлар Қозоғистонга 2,3 миллиард доллар келтирган

ASTANA. Кazinform — ҚР Туризм ва спорт вазирлиги Kazinform сўровига жавобан мамлакатнинг туристик компаниялари бир йилда қанча солиқ тўлаганини маълум қилди.

“Давлат даромадлари қўмитаси маълумотларига кўра, ўтган йил охирида расмий рўйхатдан ўтган сайёҳлик агентликлари ва туроператорлардан бюджетга солиқ тушумлари 14,3 миллиард тенгени ташкил қилди”, — дея жавоб берди вазирлик.

Вазирлик маълумотларига кўра, ўтган йили мамлакатга 9,2 миллион сайёҳ келган. Бироқ уларнинг 1,1 миллиони меҳмонхона хизматларидан фойдаланган.

“Миллий статистика бюроси маълумотларига кўра, ўтган йили Қозоғистонга 9,2 миллиондан ортиқ хорижлик ташриф буюрган. Уларнинг 1,1 миллионга яқини меҳмонхоналарга жойлашган. Шу билан бирга, Миллий банк маълумотларига кўра, “Саёҳатлар” рукни остидаги хизматлар экспорти 2,3 миллиард АҚШ долларини ташкил этди. Бу кўрсаткич Қозоғистонда хорижий меҳмонлар томонидан сотиб олинган товарлар ва хизматларни ўз ичига олади”, — дейилади вазирлик жавобида.