Ўтган йили Астанага қанча сайёҳ келгани маълум бўлди
ASTANA. Kazinform — 2024 йилда пойтахтга 1,5 миллион сайёҳ ташриф буюрди, бу 2023 йилга нисбатан 14 фоизга кўпдир, дея хабар беради Инвестициялар ва тадбиркорликни ривожлантириш бошқармаси бошлиғи Халел Акимжанов.
Бошқарма раҳбарининг айтишича, сайёҳлар асосан Россия, Хитой, Германия, Туркия, АҚШ ва Жанубий Кореядан келади.
«Ишбилармонлик туризми ва тиббий туризм жадал ривожланмоқда. Тадбир туризмига алоҳида эътибор қаратилмоқда. Бундан ташқари, гастрономик ва маданий-спорт туризмига ҳам устувор аҳамият берилади. 2024 йилда пойтахтимизда жами 168 та халқаро миқёсдаги тадбир ўтказилди. Улар орасида ШҲТ саммити, Бутунжаҳон кўчманчилар ўйинлари, Automechanika, Enactus, Comic Con ва бошқа муҳим тадбирлар бор. Жорий йилда 300 дан ортиқ маданий ва спорт тадбирлари ўтказилиши режалаштирилган», - деди у.
Унинг сўзларига кўра, Астанада туризмни барқарор ривожлантириш бўйича қуйидаги вазифалар белгиланган:
- халқаро бизнес, тадбирлар ва спорт-оммавий тадбирларни жалб этиш;
- тиббий ва гастрономик туризмни ривожлантириш ва рағбатлантириш.
Халел Акимжанов таъкидлаганидек, мазкур тадбирлар нафақат шаҳар имиджини мустаҳкамлаш воситаси, балки иқтисодий юксалиш ва туризм соҳасини ривожлантиришга хизмат қилувчи муҳим омил ҳамдир.
«2025 йил февраль ойида «Astana Tourism» Туризмни ривожлантириш маркази иш бошлади. Унинг асосий мақсади - Астанани Марказий Осиёдаги бизнес ва тадбирлар маркази сифатида ривожлантириш», - дейди Акимжанов.
