Ўтган йили Алмати саноат зонасидаги корхоналар 801,3 млрд тенгелик маҳсулот ишлаб чиқарган
QONAEV. Кazinform - Алмати вилоятида 1,4 мингдан ортиқ корхона мавжуд. Бу ҳақда Алмати вилояти тадбиркорлик ва саноат-инновацион ривожланиш бошқармаси маълум қилди.
Бошқарма маълумотларига кўра, бугунги кунда Алмати вилоятида 1406 та саноат корхонаси ишлаб турибди. Уларнинг 14 таси йирик, 46 таси ўрта, қолганлари кичик корхоналардир.
Алмати вилояти тадбиркорлик ва саноат-инновацион ривожланиш бошқармаси бошлиғи Қуаниш Бақитуланинг айтишича, вилоятдаги корхоналарда ишлаб чиқарилаётган асосий маҳсулот ичимликлардир.
- 2023 йилда энг кўп ишлаб чиқарилган маҳсулот - ичимликлар 424 миллиард тенге зиёдроқ бўлди. Жорий йилнинг январь-сентябрь ойларида умумий қиймати 87,7 миллиард тенге бўлган 30 та саноат лойиҳаси ишга туширилиб, 1000 та иш ўрни яратилди, - деди Қуаниш Бақитули Кazinform мухбирига берган жавобида.
Эслатиб ўтамиз, аввалроқ Алмати шаҳридаги асосий ишлаб чиқариш тармоғи машинасозлик эканлигини ёзган эдик. 2023 йилда Алмати саноат зонасида фаолият юритувчи корхоналар жами 801,3 миллиард тенгелик маҳсулот ишлаб чиқарган. Улар орасида ўтган йили 48 857 дона автомобиль ишлаб чиқарилган.
