Ўскеменда “Тоза Қозоғистон” ташаббуси доирасида ёшлар билан учрашув бўлиб ўтди
ASTANА. Кazinform — Шарқий Қозоғистон вилояти марказида “Тоза Қозоғистон – умумий иш ва умумий қадрият” мавзусида ёшлар билан учрашув бўлиб ўтди.
Учрашув Ўскемен ёшлар ресурс маркази томонидан ташкил этилди. Учрашувда экологик маданиятни шакллантириш, ижтимоий масъулиятни ошириш ва атроф-муҳитни муҳофаза қилиш масалалари муҳокама қилинди.
— Бундай учрашувлар экологик маданиятни шакллантиришда катта аҳамиятга эга. Агар бу масалалар доимий равишда муҳокама қилинса, фуқароларнинг экологик саводхонлиги ҳам ошади. Учрашувнинг мақсади — Давлат раҳбари Қасим-Жомарт Тоқаев ташаббуси билан бошланган “Тоза Қозоғистон” кампанияси бўйича ёшлар билан фикр алмашиш, — деди “Жамиятнинг экологик ривожланиш маркази” жамоат бирлашмаси раҳбари Танир Ясса.
Учрашувда волонтёрлар, талабалар ва шаҳарнинг фаол ёшлари иштирок этдилар. Иштирокчилар "Тоза Қозоғистон" миллий ташаббуси доирасида амалга оширилаётган ишлар, табиатдан оқилона фойдаланиш ва ёшларнинг экологик ташаббусларда фаол иштироки ҳақида фикр алмашдилар.
