Ўрта бўғин кадрлари ҳисобланган санитар шифокорларнинг маошлари ошади

Марказий коммуникациялар хизматида бўлиб ўтган брифингда ҚР Соғлиқни сақлаш вазири Ажар Ғиният ўрта бўғин кадрлари ҳисобланган санитар шифокорларнинг маоши оширилишини маълум қилди, деб хабар беради Kazinform мухбири.

“Санитар-эпидемиология мутахассислари энди давлат хизматчилари. Ўтган йилдан бошлаб барча давлат хизматчиларининг иш ҳақи ошди. Энди бу соҳада ишлаётган ўрта бўғин ходимларининг маошини 16 фоизга оширишни режалаштиряпмиз”, - деди Ажар Ғиният.

Эслатиб ўтамиз, 1 сентябрдан шифокорлар ва ўрта тиббиёт ходимларининг иш ҳақини оширишга қаратилган Ҳукумат қарори эълон қилинган эди.

Муаллиф: Асқар Алихан