Urals нефтининг нархи 1 кунда 10 долларга арзонлашди
ASTANA. Кazinform — 4 ноябрь куни жаҳон нефтининг нархи яна ўзгариб турди.
Brent нефтининг фьючерслари 0,25% га пасайиб, 1 баррель учун 103,34 долларни ташкил этди.
WТI нефтининг фьючерслари 53 центга ёки 0,55% га пасайиб, 1 баррель учун 95,56 долларни ташкил этди.
Россиянинг Urals нефтининг нархи тахминан 10 долларга пасайиб, 1 баррель учун 91,03 долларни ташкил этди.
Нефть нархларининг ошишига Яқин Шарқдаги можаролар таъсир кўрсатмоқда. Натижада, Ҳормуз бўғози орқали кемалар қатнови сезиларли даражада камайди. Вазият ёмонлашгунга қадар, дунё нефть ва табиий газ таъминотининг тахминан бешдан бир қисми ушбу бўғоз орқали ташилган.
Эрон Ислом инқилоби қўриқчилари корпуси денгиз флоти маълумотларига кўра, 25 октябрдан бери Ҳормуз бўғозида қоидаларни бузган 11 та танкер ёқиб юборилган. Улардан баъзилари чўкиб кетган.
Эслатиб ўтамиз, ОПЕК+ мамлакатлари декабрь ойида нефть қазиб олиш ҳажмини ўзгартирмасликка келишиб олди.
