Уилл Смит «Оскар» киноакадемиясини тарк этишини маълум қилди
Ушбу можародан сўнг ташкилот актёрнинг хатти-ҳаракати кўриб чиқилишини маълум қилди.
«Смит Академиянинг хулқ-атвор стандартларини бузди. Буни 18 апрелга белгиланган Директорлар кенгаши йиғилишида кўриб чиқамиз», — деди академия президенти Дэвид Рубин.
Шундан сўнг актёр ташкилотни ўз ихтиёри билан тарк этишини ва бошқарув кенгаши томонидан қабул қилинган барча қарорларни қабул қилишини маълум қилди. 94-Оскар мукофотини топшириш маросимида қилган ишларим ҳайратланарли эди. Бу кечириб бўлмайдиган нарса. Бу нафақат Крисга, балки унинг оиласига, кўплаб дўстларим ва қариндошларимга, шунингдек, байрамга йиғилганлар - катта аудиторияга ҳам қаттиқ таъсир қилди. Академиянинг ишончини оқламадим. Ўз ютуқлари билан ажралиб турган бошқа номзодларнинг ҳам байрамона кайфиятини буздим», — деди у.
Эслатиб ўтамиз, Уилл Смит бошловчининг рафиқаси ҳақида айтган ҳазилидан ғазабланган эди. Алопециядан азият чеккан Жада Пинкетт-Смит соч тўкилиши туфайли сочини олишига тўғри келди.
Агар У.Смит кино юлдузлари, режиссёрлар ва продюсерларни бирлаштирган таниқли ташкилотдан кетса, у Оскарга номзод фильмлар ва спектаклларга овоз бера олмайди. Бироқ унинг иши мукофотга номзодлар рўйхатидан четлатилмайди.
