UEFА албаниялик футболчи Дакуни икки ўйинга дисквалификация қилди

ASTANА. Кazinform - Албания терма жамоаси ҳужумчиси Мирлинда Даку EURO 2024 ўйинларидан бирида македонияликлар ва сербияликларга нисбатан қўпол сўзлар ишлатгани учун UEFА томонидан икки ўйинга дисквалификация қилинди.

26 ёшли футболчи Албания терма жамоасининг кейинги икки учрашувида иштирок эта олмайди. У бугун Европа чемпионати гуруҳ босқичининг 3-турида Испанияга қарши ўйинда майдонга тушмайди. Агар албанияликлар гуруҳ босқичидан чиқса, бу Даку 1/8 финал учрашувида иштирок этмаслигини билдиради.

Бундан ташқари, UEFА Албания терма жамоасини 47 500 евро жаримага тортди. Бунга мухлисларнинг Хорватияга қарши ўйинда ўт ёқишга уринишлари ҳамда ўринсиз қўшиқ айтишлари сабаб бўлган.

Эслатиб ўтамиз, аввалроқ футбол бўйича 2024 йилги Европа чемпионатининг олтинчи ўйин кунида 2-турда B гуруҳида Хорватия ва Албания терма жамоалари дуранг ўйнагани ҳақида ёзган эдик.