Учрашувни интизорлик билан кутмоқдамиз – «Галактика қўриқчилари» актёрлари Қозоғистон халқига видеомурожаат йўллади

ASTANA. Kazinform – Голливуд актёрлари Майкл Рукер ва Шон Ганн Comic Con Astana доирасида Қозоғистонга ташрифи арафасида видеомурожаатларини йўллади, деб хабар беради Kazinform мухбири.

Актёрлар ўзларининг видеомурожаатларида Қозоғистон пойтахтига ташриф буюришни интиқлик билан кутаётганликларини қайд этишган.

«Ҳаммага салом! Махсус меҳмон Майкл Рукер. Мен Қозоғистонга келаман. Мен 15 дан 17 сентябргача гўзал Астана шаҳридаги Конгресс марказида Comic Con Astanaда бўламан. Шундай экан, келинг ва биз билан дам олинг. У ерда ҳаммани кўришга умид қиламан», – деди Майкл Рукер.

«Салом, Comic Con Astana-2023. Мен бу йил Comic Con Astana кўргазмасида иштирок этишим мумкинлигидан ва сиз билан баҳам кўришимдан жуда хурсандман. Келингизлар. Биз учрашамиз ва дунёдаги ҳамма нарса ҳақида гаплашамиз. Мен хурсандман, албатта. Сизларни кўришни интизорлик билан кутмоқдаман», –деди Шон Ганн видеомурожаатда.

Эслатиб ўтамиз,»Галактика қўриқчилари«юлдузлари 15-17 сентябрь кунлари Қозоғистон пойтахтида бўлиб ўтадиган халқаро фестивалда қатнашади.

Муаллиф: Арайлим Мурат