Турон йўлбарси 2026 йилгача Қозоғистонга қайтиши мумкин
SAMARQAND. Кazinform - Турон йўлбарси 2026 йилгача Қозоғистонга қайтиши мумкин. Бу ҳақда БМТ Тараққиёт дастурининг ҳайвонлар дунёсини бошқариш бўйича эксперти Айман Умарбекова ёввойи ҳайвонлар турларини сақлаш бўйича конвенциянинг (COP 14) Самарқандда бўлиб ўтаётган навбатдаги йиғилиши доирасида маълум қилди, деб хабар беради Kazinformнинг Ўзбекистондаги мухбири Алихан Асқар.
“Қозоғистонда Турон йўлбарсини реинтродукция қилиш бўйича кенг кўламли ишлар амалга оширилди. Мисол учун, мамлакат ҳукумати БМТ Тараққиёт дастури билан ушбу йиртқич ҳайвон учун экотизим яратиш бўйича грант шартномасини имзолади. Унинг доирасида Турон йўлбарси учун озиқ-овқат базасини яратиш бошланди. Бугунги кунга қадар Алтинемел миллий боғидан Или-Балқаш қўриқхонасига 60 бош қулон келтирилди. Бундан ташқари, Қара Бақанас каналини тозалаш бўйича лойиҳа ҳужжатлари ишлаб чиқилди. Натижада Турон йўлбарси учун етарли сув бўлиши режалаштирилган”, — деди Айман Умарбекова Каzinformнинг саволига жавобан.
Унинг қайд этишича, Қозоғистон Ҳукумати Бутунжаҳон табиатни муҳофаза қилиш жамғармаси билан шартнома имзолаган.
Шунга кўра, мазкур ташкилот Алтинемел миллий боғига қулонларни ўз ҳисобидан олиб келди.
Эслатиб ўтамиз, аввалроқ БМТ Турон йўлбарси популяциясини тиклашда иштирок этиши ҳақида хабар берган эдик.
Бундан ташқари, шу кунларда Самарқандда доимий кўчиб юрувчи ёввойи ҳайвонлар турларини сақлаш бўйича конвенциянинг навбатдаги йиғилиши бўлиб ўтмоқда.
Тадбир доирасида Қозоғистон, Ўзбекистон ва Қирғизистон давлатлари Африка ва Евроосиё ҳудудларида доимий кўчиб юрувчи йиртқич қушларни сақлаш бўйича халқаро меморандумга қўшилди.
