Туркиянинг Бодрум шаҳрида бир аёл ва бир қизнинг жасади топилди

Туркиянинг Бодрум шаҳрида бир аёл ва бир қизнинг жасади топилди
Фото: haberturk.com

Туркиянинг Бодрум курорт шаҳри ёнбағирларидан бирида икки нафар Россия фуқаросининг жасади топилди. Улар Туркиянинг Бодрум шаҳрида яшовчи она ва қиз бўлиб чиқди, деб хабар беради Кazinform агентлиги CNN Türkга таяниб.

Муғла провинциясидаги йўл бўйида маҳаллий полиция томонидан аёл ва қизнинг жасади топилди. Улар чойшабга ўралган, арқон билан боғланган ва тош орқасига яширинган.

Тахминларга кўра, аввалроқ Россия фуқаролари номаълум шахс томонидан ўлдирилган ва жиноят изларини яшириш мақсадида шаҳар ташқарисига олиб кетилган. Шафқатсиз қотиллик қурбонлари 42 ёшли Ирина Двизова ва унинг 15 ёшли қизи Даяна эди.

Маълумотларга кўра, марҳум Туркияда кўчмас мулк агенти бўлиб ишлаган ва қизи билан Бодрумда яшаган. Улар бир неча кун давомида қариндошлари билан боғланмади, шундан сўнг полиция уларни қидира бошлади.

Ваколатли органларнинг дастлабки версиясига кўра, қўш қотилликда аёлнинг бошқа давлат фуқароси бўлган собиқ эри гумон қилинмоқда. Ҳозиргача унинг қаердалиги аниқланмаган. Ҳуқуқ-тартибот идораларига кўра, у хорижга кетган.

Ҳозирда тергов ҳаракатлари олиб борилмоқда. Ҳалок бўлганларнинг жасадлари тегишли суд-тиббий экспертизадан ўтказиш учун олиб кетилган.

Сўнгги хабарлар
telegram