Туркиядаги Троя оти ҳайкалини реставрация қилиш ишлари якунланмоқда
ASTANA. Kazinform - Туркия Маданият ва туризм вазирлиги 5500 йиллик тарихга эга қадимий Троя шаҳри ҳудудида ёғочдан ясалган от ҳайкалини реставрация қилмоқда, деб ёзади Анадолу.
Троя отининг ҳайкали Чанаккале провинциядаги Тевфикие қишлоғи яқинида жойлашган қадимий Троя шаҳрига кираверишда ўрнатилган.
Троян оти Гомернинг иккита шеъри - "Илиада" ва "Одиссея" туфайли кенг танилган.
Ёғочдан ясалган ҳайкалнинг қурилиши 1973 йилда Чанаккале музейи директори Илхан Акшитнинг таклифи билан бошланган.
15 метр баландликдаги ёғоч ҳайкал 1974 йилда оммага тақдим этилган.
Қайта тиклаш ишлари доирасида ёғоч ҳайкалнинг эскирган қисмлари янгиланди. Ҳозирда отни қайта тиклаш ишлари якунланмоқда.
Ҳайкал 31 августдан 8 сентябргача бўлиб ўтадиган Чанаккале маданият йўналиши фестивали доирасида оммага тақдим этилади.
Троя музейи директори Ридван Гелжукнинг сўзларига кўра, асрлар давомида Троя афсонасида ҳарбий ҳийла сифатида тасвирланган Троя оти дунёдаги энг муҳим ёдгорликлардан биридир.
