Туркиядаги сузиш мусобақасининг биринчи кунида қозоғистонлик спортчилар 4 та медални қўлга киритди

ASTANA. Kazinform - Туркиянинг Эдирне шаҳрида сузиш бўйича ўтказилаётган мусобақанинг биринчи кунида Қозоғистон спортчилари 4 та медални қўлга киритди.

Хусусан, аёллар ўртасида 50 метрга брасс усулида сузишда 31,59 натижа билан Аделаида Пчелинцева иккинчи ўринни эгаллаган бўлса, 100 метрга эркин усулда сузишда Даниела Дю 56,37 натижа билан кумуш медални қўлга киритди.

Эркаклар ўртасида 100 метрга эркин усулда сузиш баҳсларида Адилбек Мусин шоҳсупанинг иккинчи поғонасидан жой олган бўлса, аёллар ўртасида 50 метрга чалқанча сузишда Ксения Игнатова бронза медалини қўлга киритди.

Эртага 12 нафар спортчи соврин учун кураш олиб боради.

Эслатиб ўтамиз, аёллар ўртасидаги чемпионатда Диана Тасжанова, София Сподаренко, Ксения Игнатова, Аделаида Пчелинцева, Даниела Дю, эркаклар ўртасида Адилбек Мусин, Арсен Қожахметов, Егор Василенко, Максим Сказовцов, Даниил Черепанов, Егор Поповлар совринли ўринлар учун курашади.

3 кун давом этадиган мусобақада жами 453 нафар спортчи иштирок этади.