Туркиядаги хорижлик келинлар рейтингида ўзбекистонлик аёллар етакчилик қилмоқда

ANKARA. Kazinform – 2023 йил якунига кўра, ўзбекистонлик аёллар Туркиядаги хорижлик келинлар рейтингида пешқадамлик қилмоқда. Ҳар 10 нафар келиннинг бири ўзбекистонлик экани таъкидланмоқда. Бу ҳақда Туркия Миллий статистика бюроси хабар берди.

МИР24 хабарига кўра, хорижлик келинларнинг 12 фоизи Ўзбекистон фуқаролари ҳисобланади. Кейинги ўринларни суриялик (11 фоиз) ва озарбойжонлик (9 фоизи) келинлар эгаллаб турибди. Россиялик келинлар 7,5 фоиз кўрсаткич билан юқори бешликка кирган.

2023 йилда хорижлик келинларнинг ўртача ёши 28,5 йилга тенг бўлган. Июль, август ва сентябрь ойларида энг кўп никоҳ расмийлаштирилган.

Хорижлик келинлар иштирокидаги тўйлар Истанбул, Анталия ва Измир шаҳарларида энг кўп ўтказилган.