Туркияда террорчилик ташкилотига алоқадорлик гумони билан 24 киши қўлга олинди

ASTANА. Кazinform — Туркия Бош прокуратурасининг Терроризм ва уюшган жиноятчилик билан боғлиқ жиноятларни тергов қилиш бўлими мамлакатнинг бир қатор провинцияларида ФEТО (Туркияда тақиқланган — таҳр.) террорчилик ташкилотига алоқадор шахсларни қўлга олди.

Туркия хавфсизлик кучлари томонидан мамлакатнинг 9 провинциясида ўтказилган тадбирлар давомида ФEТО (Туркияда тақиқланган — таҳр.) террорчилик ташкилотига алоқадор 24 киши қўлга олинди.

Улардан 14 нафари Туркия қуролли кучлари қуруқликдаги кучлари аскарларидир. Бири масжидда имом, иккинчиси аввал ҳарбий институтда таҳсил олган.

Қолган 8 киши бошқа соҳаларда ишлаган.

Маълумки, улар ўз сафларига одамларни йиғишган.

Бунинг учун улар Фатҳуллоҳ Гуленнинг “Хизмет” ҳаракати (Туркияда тақиқланган — таҳр.) ғояларига содиқ фуқаролардан фойдаланган.

Айни пайтда ҳуқуқ-тартибот идоралари томонидан уларнинг тарафдорлари ва ноқонуний ташкилотга алоқадор бошқа шахсларни аниқлаш ишлари олиб борилмоқда.