Туркияда эски доллар муомаладан чиқарилмоқда
ASTANA. Kazinform - Туркия эски доллар пулларини қабул қилишни тўхтатди, деб хабар беради Kazinform мухбири.
Бундай қарор қабул қилинишига сифати ҳақиқий купюралардан фарқ қилмайдиган сохта долларларнинг кўпайиши сабаб бўлди.
Туркиялик экспертларнинг фикрича, янги қалбаки банкноталар ҳатто замонавий саноқ машиналари орқали ҳам ўтиши мумкин, бу эса ўз навбатида уларни аниқлаш вазифасини мураккаблаштиради. Шу сабабли молия институтлари эски банкнотлар билан ишлашдан бош тортишга ва эҳтиёт чораларини кўришга мажбур бўлганлар.
Мутахассисларнинг фикрича, Туркия бозорида тахминан 600 миллион долларлик сохта 50 ва 100 долларлик купюралар мавжуд.
Бу ҳолат асосий валютаси доллар бўлган фуқаролар ва ишбилармонларда хавотир уйғотди. Молиявий экспертлар хатарлардан қочиш учун нақд пул, айниқса эски купюралар билан йирик операциялардан вақтинча воз кечишни маслаҳат беради.
