Туркия ва Сурияда зилзила қурбонлари сони 50 мингдан ошди

ASTANA. Kazinform – 6 феврал куни Туркияда рўй берган вайронкор зилзилалар 43 556 кишининг ҳаётига зомин бўлди. Бу ҳақда Туркия ички ишлар вазири Сулаймон Сойлу маълум қилди. Сурияда фаоллар 6 747 киши ҳалок бўлганини қайд этди, дея хабар беради Kazinform Deutsche Welleга таяниб.

Туркияда 6 феврал куни Сурия чегарасида содир бўлган даҳшатли зилзилалар қурбонлари сони 43 556 нафарга етди. Туркия ички ишлар вазири Сулаймон Сойлу 22 феврал, чоршанба куни шундай маълумот берди.

Шу билан бирга, қўшни Сурияда ҳалок бўлганлар сони 6 747 кишига етди, дея маълум қилди ўша куни Сурия Инсон ҳуқуқлари бўйича обсерваторияси (SOHR). Шу тариқа, ҳукумат назорати остидаги ҳудудларда 2 226 киши, Суриянинг исёнчилар назорати остидаги шимоли-ғарбий ҳудудларида эса 4 521 киши ҳалок бўлди.

Туркия ва Суриядаги зилзилаларда ўн минглаб одамлар жабрланди.

6 феврал куни Туркия-Сурия чегарасида содир бўлган 7,8 магнитудали зилзилалар натижасида ўн минглаб одамлар жароҳат олиб, шифохоналарда қолмоқда. Қишда кўп одамлар бошпанасиз қолиб, инсонпарварлик ёрдамига қарам бўлиб қолган.

Жаҳон соғлиқни сақлаш ташкилоти маълумотларига кўра, табиий офатдан 23 млнгача киши жабр кўрган. Табиий офат бўйича экспертлар зилзиладан кўрилган иқтисодий зарарни 20 млрд доллардан (18,8 миллиард евро) ортиқ деб ҳисоблаган.