Туркия Meta компаниясини судга бермоқчи
ASTANA. Kazinform — Туркия Миллий таълим вазирлиги Meta компаниясига қарши судга даъво аризаси киритишни режалаштирмоқда, деб хабар беради Report.
Бу ҳақда Туркия Миллий таълим вазири Юсуф Текин маълум қилди.
Унинг таъкидлашича, ижтимоий тармоқларда болаларнинг ёшига мос келмайдиган контентларнинг жойлаштирилиши уларнинг ўзлаштириш кўрсаткичлари ва шахсий ривожланишига салбий таъсир кўрсатади.
“Бошқа мамлакатларда бўлгани каби, биз ҳам шу асосларга кўра суд жараёнини бошлаймиз”, — деди вазир.
Эслатиб ўтамиз, бундан аввал Meta компаниясига 1,4 триллион доллар миқдорида жарима солиниши мумкинлиги ҳақида хабар берилган эди.
Шунингдек, Meta болалар хавфсизлигига оид талабларни тартибга солиш учун 17 миллиард доллар тўлашга рози бўлди.
Кеча эса АҚШнинг Нью-Мексико штати суди Facebook фойдаланувчиларини шахсий маълумотларини ҳимоя қилиш масаласида чалғитгани учун Meta Platforms компаниясини 25 миллиард доллар тўлашга мажбур қилди.
