Туркия Хитой билан атом электр станциясини қуриш учун музокаралар олиб бормоқда

ASTANA. Kazinform - Туркия яқин келажакда Хитой билан атом электр станциясини қуриш бўйича келишувни якунлашни режалаштирмоқда, деб хабар беради Kazinform мухбири.

Туркия Энергетика ва табиий манбалар вазири Альпараслан Байрактар, Фракия ҳудудида атом электр станцияси қурилиши мавзусида Хитой билан музокаралар олиб бораётганликларини маълум қилди.

Туркия вазири икки давлат ўртасида энергетика соҳасида ҳамкорлик қилиш учун кенг имкониятлар мавжудлигини таъкидлади.

“Биринчидан, қайта тикланадиган ресурсларимиздан фойдаланишимиз керак. Иккинчидан, энергия хилма-хиллигига атом энергетикасини қўшишимиз керак. Учинчидан, табиий газдан ўтиш даври ёқилғиси сифатидагина фойдаланишимиз керак”, - деди А.Байрактар.

Шу билан бирга, у Хитой қайта тикланадиган ва атом энергетикаси соҳасида глобал миқёсда муҳим ўринни эгаллашини, шунингдек, ўз соҳасида жаҳон етакчиси эканлигини таъкидлади. Мамлакатда қайта тикланадиган энергия ускуналари етказиб берувчилари ва қайта тикланадиган энергия ишлаб чиқарувчи дунёдаги энг йирик компаниялар жойлашган.

Агар бир неча ой ичида атом энергетикаси лойиҳаси бўйича ҳукуматлараро битим имзоланса, бу икки давлат учун ажойиб ҳамкорликка айланиши мумкин.