Туркия ХАМАС билан болалар ва хорижликларни озод қилиш борасида музокаралар олиб бормоқда

Туркия ХАМАС билан болалар ва хорижликларни озод қилиш борасида музокаралар олиб бормоқда
Фото: pixabay.com

Туркия Фаластин ташкилоти билан ХАМАС асирлигидаги хорижликлар, тинч аҳоли ва болаларни озод қилиш учун музокаралар олиб бормоқда, деб хабар беради Каzinform агентлиги Reutersга таяниб.

Сешанба куни мамлакат ташқи ишлар вазири Хакан Фидан таъкидлаганидек, "кўплаб давлатлар" ХАМАС томонидан асирга олинган фуқароларини озод қилишни ва ёрдам сўраб Туркияга мурожаат қилишди.

Reuters агентлигининг мамлакат ташқи ишлар вазирлигидаги манбасига таяниб хабар беришича, Х.Фидан душанба куни ХАМАС етакчиси Исмоил Хония билан бу масалани муҳокама қилган.

Душанба куни ХАМАС етакчиларидан бири Халед Машааль Исроил қамоқхоналаридаги барча фаластинликларни озод қилиш учун гуруҳ "керак бўлган ҳамма нарсага етарли" эканлигини айтди. Яъни, гаровга олинганлар фаластинлик маҳбусларни озод қилиш эвазига фойдаланилади.

Бу эълондан кўп ўтмай, гуруҳнинг қуролли қаноти исроиллик бўлмаган гаровга олинганлар “меҳмон” эканини ва “вазият имкон берса,” қўйиб юборилишини айтди.

Сўнгги хабарлар
telegram