Туркия Эрондаги ҳалокат жойига 32 нафар альпинист ва бир вертолёт жўнатди

ASTANА. Кazinform - Туркия президенти Режеп Таййип Эрдоған ижтимоий тармоқларда Эрон президенти Иброҳим Раисий, ташқи ишлар вазири Ҳусайн Амир Абдуллаҳиён ва бошқа расмий шахслар бўлган вертолёт ҳалокати ҳақида ёзди. Бу ҳақда Анадолу агентлиги хабар берди.

“Эрон президенти, акам жаноб Иброҳим Раисий ва унинг делегациясининг вертолёт ҳалокатидан қайғудамиз. Туркия Республикаси номидан Эрон расмийлари билан тўлиқ алоқада эканлигимизни, воқеани яқиндан кузатиб бораётганимизни ва барча зарур ёрдамни беришга тайёр эканлигимизни билдирмоқчиман”, — деди Президент Режеп Таййип Эрдоған.

Шу билан бирга Президент Эрдоған ҳамдардлик билдирди.

“Мамлакатим номидан қўшнимиз, дўстимиз ва биродаримиз Эрон халқи ва ҳукуматига ҳамдардлик билдираман. Тез орада жаноб Раисий ва унинг делегациясидан хушхабар оламан деган умиддаман”, — дея қўшимча қилди Р.Эрдоған.

AFAD маълумотларига кўра, Эрон Туркиядан тунги кўриш-қутқарув вертолёти сўраган. Воқеа жойига Ван ва Эрзурумдан 32 қидирув-қутқарувчи альпинист ва 6 та транспорт жўнади.

Эслатиб ўтамиз, Эрон президенти бўлган вертолёт Озарбайжон билан чегарадаги Верзеган шаҳри яқинида фавқулодда қўнган эди. Кейинроқ вертолёт қулаган жойдан видео пайдо бўлди. Халқ президент Раисий ва унинг ҳамроҳларига соғлик тилаб дуо қилмоқда.