Туркий давлатлар Европанинг энергия хавфсизлигини таъминлашдаги ролини кучайтириши мумкин

ASTANА. Кazinform – Туркий давлатлар муҳим геосиёсий ўйинчига айланиши мумкин. Бу ҳақда Озарбайжоннинг собиқ бош вазири Гасан Гасанов «Турк дунёсида иқтисодий алоқа ва интеграция» мавзусидаги экспертлар йиғилишида маълум қилди, деб хабар беради Kazinform мухбири.

«Транскаспий йўлаги мультимодал, аниқроғи, темир йўл, автомобил ва авиация даҳлизига айланади. Бундан ташқари, «Хитой – Қирғизистон – Ўзбекистон – Туркманистон – Озарбайжон» лойиҳаси ишлаб чиқилмоқда. Энергия қувурлари транспорт тизимини ривожлантириш ҳам Транскаспий йўлагининг таркибий қисми бўлиши мумкин», — деди озарбайжонлик эксперт.

Унинг сўзларига кўра, Транскаспий йўлаги муваффақиятли ишлаб чиқилса, Европанинг энергия хавфсизлигини таъминлашда туркий давлатларнинг ролини сезиларли даражада кучайтириши мумкин.

«Бу ташкилотимизни муҳим геосиёсий ўйинчига айлантиради», - деди Гасан Гасанов.

Аввалроқ у «Шарқ-Ғарб» Транскаспий халқаро ўрта йўлагини хавфсиз ва мос келадиган божхона ва транзит тартиб-қоидалари, тегишли халқаро конвенцияларни самарали амалга оширадиган нафақат қисқа, балки муваффақиятли йўлакка айлантириш режалаштирилаётганини маълум қилганди.

Муаллиф: Марлан Жиембай