Туркистонда 200 киши ишлайдиган завод пойдевори қўйилди

TÚRKİSTAN. Кazinform – Бугун Туркистондаги «Turan» махсус иқтисодий зонасида янги заводга пойдевор қўйиш маросими бўлиб ўтди. Унда Туркистон вилояти ҳокими Дархан Сатибалди алоҳида иштирок этиб, янги лойиҳани амалга оширишда муваффақиятлар тилади. Бу ҳақда Туркистон вилояти ҳокими матбуот хизмати хабар берди.

«PSI Machinery» компанияси директори Павел Беклемишев лойиҳа билан таништирди. «PSI Machinery» компаниясининг ушбу заводи тоғ-кон саноати ва бошқа қурилиш саноати учун оғир техника, юк машиналари ва техникалар учун бардошли тиркамалар, эҳтиёт қисмлар ва металл конструкциялар ишлаб чиқаради.

Лойиҳа қиймати - 8,33 млрд тенге. Ер майдони - 20 гектар, 200 киши иш билан таъминланади. 2025 йилда ишга тушириладиган заводнинг йиллик қуввати 965 тоннани ташкил этади.

Шуни таъкидлаш керакки, PSI - PSI Engineering, PSI Energy & Control ва Қарасай машина ишлаб чиқарувчи завод (QMOZ) ни ўз ичига олган таниқли компаниялар гуруҳи. 2002 йилда ташкил этилган. Гуруҳ муҳандислик лойиҳалаш ва харид қилишдан тортиб саноат объектларини қуриш ва ишга тушириш, шунингдек, тоғ-кон саноати, энергетика, металл, нефть ва газ каби бозорнинг асосий тармоқлари учун металл конструкциялар ва модулли подстанцияларни ишлаб чиқаришгача бўлган комплекс хизматларни таклиф этади.

Бугунги кунда PSI Group компаниясида 2000 дан ортиқ киши ишлайди. Ҳамкорлар: «KAZ Minerals» МЧЖ, “Тенгизшевройл” МЧЖ, “Қарашиғанақ Петролеум Оператинг Б. В.», «Karabatan Utility Solutions» МЧЖ, «КАТКО» МЧЖ, «Казхром» АЖ ва бошқалар.