Туркистон вилоятидаги мактаблар Илон Маскнинг интернет тармоғига улана бошлади
TÜRKISTAN. Кazinform - Вилоятнинг чекка қишлоқларида жойлашган 330 та мактаб Starlink тармоғи билан ишлайди.
Туркистон вилоятидаги 911 та давлат мактабларининг барчаси интернет билан қамраб олинган. Улардан 581 та мактабда оптик толали алоқа тармоғи орқали 20-80 Мбит/с тезликда интернет тармоғига уланган. Тез орада яна 33 та мактаб оптика билан жиҳозланади.
Шунингдек, 330 та мактаб олис ва тоғли ҳудудларда жойлашганлиги сабабли техник имкониятларидан келиб чиқиб, 512 Кб/с – 20 Мбит/с тезликдаги паст тезликдаги интернет тармоғи билан қамраб олинган. Бугунги кунда ушбу мактабларнинг 200 дан ортиғи Илон Маскнинг Starlink сунъий йўлдош интернетига уланган. Қолган қишлоқлар апрель ойи охирида янги тармоқ билан ишлай бошлайди.
“Ҳозирги кунда вилоятдаги 203 та мактабга Starlink сунъий йўлдош интернет тармоғи қурилмалари ўрнатилди. Бу жуда катта кўрсаткичдир. Жорий йилнинг апрель ойи охиригача қолган мактабларда интернет-қурилмаларни ўрнатишни якунлаш режалаштирилган. Шунда Туркистон вилоятидаги мактабларда интернет муаммоси тўлиқ ҳал бўлади”, — деди Туркистон вилояти ҳокими аппарати раҳбари Еркеғали Алимқулов.
Қазиғурт ва Тўлеби туманларидаги мактабларни сифатли интернет билан таъминлаш ишлари билан танишган Еркеғали Алимқулов шаҳар ва қишлоқ аҳолисининг сифатли таълим олиши учун бир хил имконият яратилишини таъкидлади.
