Туркистон вилоятида яна иккита сув омбори қурилади

ASTANА. Кazinform – Туркистон вилоятида «Байдибек ота» ва «Боралдай» сув омборлари қурилади. Бу ҳақда вилоят ҳокими Дархан Сатибалди марказий коммуникациялар хизматида бўлиб ўтган брифингда маълум қилди, деб хабар беради Kazinform мухбири.

«Туркистон вилояти ҳудудида сув танқислигини бартараф этиш учун бир қанча сув иншоотлари қурилиши бошланиб, ўтган йили 2 та объект фойдаланишга топширилди. «Кенсай-Қосқорған-2» сув омбори қурилиши эвазига йилига қўшимча 34 миллион куб метр сув етказиб бериш имконияти яратилди. Туркистон магистрал каналининг 59 километрини бетонлаш орқали эса 60 миллион куб метр сув тежалди», - деди у.

Ҳокимнинг айтишича, бу борадаги ишлар давом этади.

«Бундан ташқари, «Байдибек ота» ва «Боралдай» сув омборлари қурилади. Вилоятда ариқларни тозалаш ва таъмирлаш ишлари давом этмоқда», – дейди Дархан Сатибалди.

Муаллиф: Есимжан Нақтибай