Туркистон вилоятида ўтказилган экотурда тўрт давлатдан келган автосаёҳатчилар иштирок этди
Қозоғистон Республикаси Туризм ва спорт вазирлиги буюртаси ва Туркистон вилояти ҳокимлиги кўмагида «Kazakh Tourism» МК” АЖ томонидан креатив туризм йўналиши бўйича Turkistan Travel fest кўргазмаси ташкил этилди. Бу ҳақда Kazinform вазирлик матбуот хизматига таяниб хабар беради.
Улар атроф-муҳитни муҳофаза қилиш мавзусини тарғиб қилишга қаратилган "Эгодан экогача" бадиий фотография фестивалидан бошланди. Фестиваль иштирокчилари ўз асарлари призмаси орқали масъулиятли туризм ва табиатга ҳурматни тарғиб қилдилар.
ХТМУ университетида ўқув маърузалари ва семинарлар ўтказилиб, танлов ғолиблари аниқланди.
Karvansaray сайёҳлик мажмуаси ҳудудида Made in KZ фестивал-ярмаркаси бўлиб ўтди, унда қозоғистонлик ишлаб чиқарувчилар, дизайнерлар, ҳунармандлар ва заргарлар ўз маҳсулотларини намойиш этди. Шунингдек, Karvansaray мажмуаси ҳудудида дунёнинг энг йирик шаҳарлари ҳаётининг ажралмас қисми, хусусан, мамлакат креатив индустриясининг асосий таркибий қисмларидан бири бўлган Street Perfomance Fest фестивали бўлиб ўтди.
Бундан ташқари, Туркистон аҳолиси ва меҳмонлари турли услублардаги рақс фестивалини томоша қилишлари мумкин эди: breaking, hip hop, all styles.
26 ноябрдан 1 декабргача Туркистон вилоятида Қозоғистон, Россия, Ўзбекистон ва Қирғизистондан профессионал автосаёҳатчилар иштирок этган экспедицион экологик автотур бўлиб ўтди. Экспедиция маршрути табиий диққатга сазовор жойлар: Ақмешит ғори, Ленгер (Бургулик), Ақсу-Жабағили, Қазиғурт, Сариағаш, шунингдек тарихий ва маданий обидалар: Арслон боб мақбараси, Саврон, Хожа Аҳмад Яссавий мақбараси, Култўбе орқали ўтди.
Якуний тадбир Туркистондаги Конгресс марказида бўлиб ўтган Kazakhstan Creative Tourism Forum 2023 бўлди. Форумнинг мақсади креатив туризмни ривожлантириш ва тарғиб қилиш, саёҳатчиларнинг янги авлодларини жалб қилиш ва ташкилотларнинг рақобатбардошлигини кучайтириш учун мутахассисларни бирлаштиришдан иборат.
– Президентнинг бунёдкорлик соҳасини ривожлантириш бўйича топшириқлари доирасида ҳар бир вилоят марказида – Туркистонда катта креатив саноат фестивали ўтказилди. Давлатимиз томонидан иқтидорли ёшларни қўллаб-қувватлашда бу соҳани ривожлантириш жуда муҳим. Мазкур тадбирлардан кўзланган умумий мақсад ҳудудда иқтисодий фаолликни рағбатлантириш ва янги иш ўринлари яратиш, вилоятнинг инвестицион жозибадорлигини оширишдан иборат, - деди Қозоғистон Республикаси Туризм ва спорт вазири ўринбосари Ержан Еркинбаев.
