Туркистон вилояти ўқитувчилари Токиода малака оширмоқда
Туркистон вилояти ўқитувчилари Токиода малака оширмоқда, деб хабар беради Kazinform мухбири.
Туркистон вилоятида энг яхши деб топилган 15 нафар ўқитувчи Токиодаги таълим тараққиётини ўрганиб, янги тажрибалар билан танишиш имконига эга бўлди.
Лойиҳа Япония Таълим вазирлигининг таълим соҳасидаги миллий сиёсат институти кўмагида амалга оширилмоқда.
Иш режасига кўра, биринчи куни делегатлар Япония таълим тизимининг шаклланиш тарихи билан танишдилар. Уаседа университети профессори Юмико Оно ишчи гуруҳни Япония мактабларида ўқитиш усуллари билан таништирди. Делегатлар Йокогама шаҳрида жойлашган мактабда Lesson study методологиясидан фойдаланган ҳолда 3 ва 6-синфларда интеграциялашган ўқув тадқиқот машғулотларида қатнашдилар.
Бундан ташқари, япон ўқитувчиларининг тадқиқот гуруҳлари ишида ва дарсларида қатнашган.
Ўқув-семинар ҳафта охиригача давом этади.
Муаллиф: Қайрат Зайнишев
