Туркистон мусиқали драма театри Францияда спектакль намойиш этди
TÜRKISTAN. Кazinform - Белфортдаги Миллий театрда Қозоғистонда хизмат кўрсатган артист, ёзувчи-драматург Ермек Аманшаев либреттоси асосида яратилган “Қўрқит афсонаси” пластик спектакли намойиш этилди.
Икки давлат ўртасидаги маданий алоқаларни мустаҳкамлаш мақсадида «GRRRANIT» халқаро саҳнаси директори Элеонора Росси театр жамоасини таклиф қилган эди.
Тадбир давомида театр директори Алимхан Мирзахан сўзга чиқиб, ўзининг эзгу тилакларини билдирди.
“Қўрқит афсонаси” пластик спектакли Шолпан Жандарбекова таваллудининг 100 йиллигига бағишланган 28-Республика Қозоғистон драма фестивалида “Ўзига хос пластик ечим” номинациясини, Қозоғистон Республикаси маданият ва санъат соҳасидаги биринчи “УМАЙ” миллий мукофотини қўлга киритди.
Спектаклнинг режиссёри таниқли россиялик балетмейстер, санъатшунос Константин Семеновдир. Бастакори - истеъдодли ёш бастакор Ҳамит Шанғалиев. Бадиий раҳбар - Айнур Кўпбасарова.
