Туркистон “КИнЭС” рекордлар китобига кириш ниятида

TÜRKISTAN. Кazinform — Вилоятда 2,5 тонна Наврўз гўжаси тайёрланади.

Бу йилги сайёҳлик мавсуми “Туркистон – Турк дунёсининг туристик пойтахти” шиори остида ўтказилади. Мазкур тадбир вилоятнинг туризм салоҳиятини ошириш, инфратузилмани яхшилаш, меҳмонларга юқори савияда хизмат кўрсатиш мақсадида ташкил этилмоқда.

Тадбир давомида «Jana lep» ижодий жамоаси, “Самғау” рақс ансамбли, DJ Shamil ва бошқа санъаткорлар чиқиш қилади. Шунингдек, мушакбозлик, сеҳргарлар чиқишлари, барабан чалишлари, шеърия кечалари ўтказилади. 2,5 тонна Наврўз гўжаси тайёрланиб, Қозоғистоннинг “КИнЭС” рекордини янгилайди. Бундан ташқари, Марказий Осиё давлатларининг туризм бизнеси вакиллари ва ҳунармандлари иштирокида республика туризм форуми ташкил этилади.

— Бу йил Туркистон шаҳрига алоҳида мақом бериш тўғрисида Қонун қабул қилинди. Ушбу ҳужжат шаҳарнинг халқаро сайёҳлик марказига айланиши учун катта имконият яратади. Режага кўра, вилоятга келаётган сайёҳлар сонини ошириб, Туркистоннинг маданий-маънавий меросини кенг тарғиб қиламиз, – дейди Туркистон вилояти туризм бошқармаси бошлиғи Нурдаулет Медеуов.

Эслатиб ўтамиз, аввалроқ Туркистон “Халқаро ҳунармандлар шаҳри” мақомини олишни мақсад қилгани ҳақида хабар берган эдик.