Туркистон: Келесда 85 ёшдаги пенсионер «Таза Қазақстан» акциясига ҳисса қўшди

TÜRKISTAN. Кazinform - Келес туманидаги Л. Жолдасов номидаги умумтаълим мактабида 30 йилдан ортиқ меҳнат қилиб, нафақага чиққан ўқитувчи Турсин Турғинбаева «Таза Қазақстан» акциясига ўз ҳиссасини қўшди.

Устоз пенсияга чиққандан кейин ҳам мактабнинг ижтимоий ишларида фаол иштирок этади. У ана шундай меҳнати билан мактабнинг ёш мутахассисларига ибрат бўлмоқда.

– Қишлоқ аҳли атрофимизни тозалаш, ободонлаштириш, кўкаламзорлаштириш билан шуғулланади. Ушбу ишларда барча муассасаларнинг ходимлари иштирок этишлари керак. Тозалик инсоннинг маънавий-маданий етуклиги, шахсияти ва билим даражасининг муҳим кўзга кўринган кўрсаткичидир. Шундай экан, ёш ўқувчиларни табиатни асраш, асраб-авайлашга ўргатиш керак, - дейди устоз.