Туркистон кўчаларида юк машиналари юриши ман қилинди
Бу ҳақда шаҳар ҳокими Рашид Аюпов иштирокида бўлиб ўтган йиғилишда маълум қилинди.
Йиғилишнинг кун тартибида 1-сектор ҳудудида амалга оширилган ишлар ва «Алтын аймақ» ҳудудида канализация тизимларининг қурилиши, шаҳар кўчаларида юк транспорт воситаларининг ҳаракатини тартибга солиш ва шаҳарда ўрта ва капитал таъмирлаш ишларини бажариш масалалари муҳокама қилинди.
«Қамқорлық» ташаббуси билан олиб борилаётган ишлар ҳақида сўз борди. Инфратузилма ва коммуникациялар бошқармаси бошлиғи Н.Жарасовнинг сўзларига кўра, Ясси микрорайони Иждиҳат массивини канализация тизими билан таъминлаш бўйича ишлар олиб борилмоқда. Ҳозирда ушбу объектнинг лойиҳа-смета ҳужжатлари ишлаб чиқилиб, экспертизага тақдим этилган. Объектнинг эксперт хулосасини 2020 йил апрел ойида олиш режалаштирилган.
Шаҳар полициясининг Маъмурий полиция бўлими бошлиғи К.Эшманов шаҳар кўчаларида оғир юк машиналарининг ҳаракатини тартибга солиш масалалари тўғрисида маълумот берди. Унга кўра, «Туркистон - Хавфсиз шаҳар» дастури доирасида Туркистоннинг Б.Саттархонов кўчасида юк машиналарининг кўплиги сабабли йўл жуда ифлосланган. Шу муносабат билан Маъмурий ҳуқуқбузарликлар тўғрисидаги кодекснинг 630-моддасига биноан қурилиш материалларини ташиётган юк машиналари ҳайдовчилари томонидан 648 та протокол тўлдирилган. Ҳуқуқбузарларга жами 1 813 000 тенге миқдорида жарима солинди.
Бундан ташқари, акция натижасида йўл ва қурилиш майдончалари ўртасида 14 та машина ювиш жойлари очилди. У эрда юк машиналари ғилдиракларини тозалаш имконияти мавжуд. Аэропорт объектига юк ташиш маршрутини аниқлаш учун Оранғай қишлоғида жойлашган асфалт заводидан темир йўлидан, Кентов-Туркистон магистрал йўли, Қосқорған, Шаға қишлоқлари орқали аэропортга қурилиш материаллари ташиш таклиф этилади.
Учрашув давомида, шунингдек, ўрта ва капитал таъмирланадиган автомобил йўлларини ўрганиш борасидаги ишлар муҳокама қилинди.
Муаллиф: Айнур Ақбаева
