Туркистон деҳқонлари 10 минг гектар ердан йилига 2-3 марта ҳосил олмоқчи
«Вилоят қишлоқ хўжалигида маҳсулот ишлаб чиқариш ҳажми 5 йил ичида икки баробар ортиб, биринчи марта 1 триллион тенгедан ошди. Агросаноат мажмуасига жами 336 миллиард тенге сармоя киритилди», – деди у.
Унинг сўзларига кўра, соҳада янги технологиялар кенг қўлланиляпти.
«Жорий йилда интенсив ўрим-йиғим ҳажми 5405 гектарга етказилади. Натижада ҳосилдорлик 5 баробар ошиб, 300-350 центнергача маҳсулот олинади. 28 минг 763 гектар майдонда сувни тежаш технологияси, 9 минг 303 гектар майдонда «Бир даладан йилига 2-3 марта ҳосил олиш» лойиҳаси амалга оширилади. Бу усул сув оқимини 2 баравар тежаш ва ҳосилдорликни 3 баробарга ошириш имконини беради. Республикамиздаги иссиқхоналарнинг 71 фоизи вилоятимиз ҳиссасига тўғри келади. Уларнинг умумий майдони 1511 гектарга етди», – дейди Дархан Сатибалди.
Шунингдек, ҳоким 2027 йилгача 500 гектар майдонда янги иссиқхона қуриш режалаштирилганини айтди.
«Қишлоқ хўжалигини диверсификация қилиш натижасида 3 миллион тонна сабзавот, боғ ва картошка маҳсулотлари йиғилди. Бозорни маҳаллий маҳсулотлар билан таъминлаш мақсадида жорий йилда 60 та лойиҳани амалга ошириш режалаштирилган бўлиб, бугунги кунда уларнинг 16 таси ишга туширилди», – деди вилоят ҳокими.
Муаллиф: Есимжан Нақтибай
