Туғилиш кўрсаткичи бўйича Манғистау вилояти биринчи ўринда
ASTANA. Kazinform – ҚР Миллий статистика бюроси маълумотларига кўра, 1 июль ҳолатига кўра, аҳоли сони 20 159 707 кишига етди.
6 ойда аҳолининг умумий ўсиши 125,8 минг кишини ташкил этди.
Туғилган болалар сони - 184,7 минг нафар
Вафот этганлар сони - 66,1 минг киши.
ҚР Миллий статистика бюроси маълумотларига кўра, туғилишнинг энг юқори кўрсаткичи Манғистау вилоятига (1000 аҳолига 24,80 киши) тўғри келади. Туркистон вилоятида (24,78) ва Чимкент шаҳрида (23,55) ҳам ўсиш кузатилди.
Ўлимнинг энг юқори кўрсаткичи Шимолий Қозоғистон (1000 аҳолига 11,77), Шарқий Қозоғистон (11,36) ва Қостанай вилоятларида (10,16) кузатилган, бу эса қайд этилган вилоят аҳолисининг ёши билан боғлиқ ҳолатдир.
Доимий яшаш учун келган - 14,2 минг киши
Хорижга кўчиб кетган - 6,9 минг киши
Миграция сальдоси 7,2 минг кишини ташкил этади
2023 йилнинг мос даврига нисбатан Қозоғистонга доимий яшаш учун келганлар сони 4,4 фоизга, Қозоғистондан чиқиб кетганлар сони эса 0,4 фоизга камайди.
Мамлакатнинг асосий миграция алмашинуви МДҲ давлатлари билан амалга оширилди. Ҳамдўстлик давлатларидан келганлар улуши 78,2 фоизни, у ердан кетганлар улуши эса 77 фоизни ташкил этади.
