Транскаспий транспорт йўналиши орқали ўтадиган юк ҳажми 5 баробарга ошиши мумкин
ASTANА. Кazinform - Президент Қосим-Жомарт Токаев Egemen Qazaqstan газетасида чоп этилган “Марказий Осиё ренессанси: барқарор тараққиёт ва фаровонлик йўли” мақоласида Қозоғистон минтақанинг транспорт ва логистика соҳасидаги салоҳиятини оширишга қандай ҳисса қўшиши мумкинлигини айтади.
“Марказий Осиё минтақаси кундан кунга жаҳон транспортининг асосий тармоғига айланиб бормоқда. Бунда, биринчи навбатда, Хитой ташаббуси билан амалга оширилаётган истиқболли “Бир макон, бир йўл” лойиҳаси ва “Шимол-Жануб” халқаро транспорт йўлагини қайд этиш мумкин. Бу лойиҳаларда минтақанинг барча давлатлари маълум даражада иштирок этмоқда.
Эндиликда давлатларимиз янги транспорт йўлакларини шакллантириш билан боғлиқ бошқа муҳим ғояларни амалга оширишга киришдилар. Қозоғистон ўз ҳамкорлари билан биргаликда Транскаспий халқаро транспорт йўналишини (Ўрта йўлак) имкон қадар ривожлантирмоқда. Бу йўналиш бўйича ташиладиган юклар ҳажми ўрта муддатли истиқболда беш баравар ошиши мумкин”, — деб ёзади Қ.Tоқаев.
