Трамп собиқ сенаторни Хитойга элчи қилиб тайинламоқчи

АҚШнинг сайланган президенти Дональд Трамп собиқ сенатор Дэвид Пердьюни АҚШнинг Хитойдаги элчиси лавозимига номзод қилиб кўрсатди. Бу ҳақда NBC News хабар берди.

“Дэвид Хитой билан муносабатларимизни ривожлантириш учун қимматли тажрибага эга. У Сингапур ва Гонконгда яшаган, фаолиятининг катта қисмини Осиё ва Хитойда ўтказган”, – дейди Трамп.

Билдирилишича, Дэвид минтақада тинчликни сақлаш ва Хитой етакчилари билан самарали ишбилармонлик алоқаларини ўрнатиш бўйича Трампнинг стратегиясини амалга оширишда муҳим роль ўйнайди.

Ҳозирда АҚШнинг Хитойдаги элчиси лавозимини Николас Бёрнс эгаллаб турибди.