Трамп Путин билан телефон орқали мулоқот қилиш ниятида
ASTANA. Kazinform – АҚШнинг сайланган президенти Дональд Трамп ўз жамоасига инаугурациядан кейинги дастлабки кунларда Россия етакчиси Владимир Путин билан телефон суҳбатини ташкил этиш бўйича кўрсатма берди, деб ёзади ТАСС.

Суҳбат Трамп лавозимга киришганидан кейин бир неча кун ичида бўлиши режалаштирилган. Суҳбатнинг мақсадларидан бири яқин ойларда Украинадаги можарога барҳам беришга ҳаракат қилиш учун шахсий учрашувни муҳокама қилиш бўлади, деб таъкидлайди CNN.
АҚШнинг сайланган президенти инаугурациядан сўнг олти ой ичида Путин билан Украина инқирози бўйича музокаралар ўтказиш режасини маълум қилди.
Айрим республикачилар Украинадаги можаро Европа масаласи ва АҚШга ҳеч қандай алоқаси йўқлигини таъкидламоқда. Бироқ Дональд Трамп урушни тугатишни президент сифатидаги биринчи кунидаёқ ҳал қилишни режалаштираётган муҳим ташқи сиёсат масаласи деб билади.