12:11, 17 Март 2025 | GMT +5
Трамп Путин билан сешанба куни гаплашади

- Сешанба куни мен президент Путин билан гаплашаман. Дам олиш кунларида жуда кўп иш қилинди, — деди Трамп Флоридадан Вашингтонга қайтаётган Air Force One бортида журналистларга.
Трамп Украина ўтган ҳафта қабул қилган 30 кунлик ўт очишни тўхтатиш таклифини Путиннинг қўллаб-қувватлашини таъминлашга ҳаракат қилмоқда.
- Биз бу урушни тугатишимиз мумкинлигини кўрмоқчимиз. Балки қила оламиз, балки қила олмаймиз, лекин менимча, бизда жуда яхши имконият бор, — деди Трамп.
АҚШ президенти россиялик ҳамкасби билан ер, электр станциялари ва бошқа масалаларда гаплашишини айтди.
Эслатиб ўтамиз, аввалроқ Зеленский Трампга йўллаган мактубида узр сўрагани ҳақида хабар берган эдик.