Трамп Канаданинг қарши тарифларига жавоб берди

ASTANA. Kazinform – АҚШ президенти Дональд Трамп Канада бош вазири Трюдони яна бир бор “губернатор” деб атади ва Канада импортига аввалги 25 фоизлик божни янада ошириш билан таҳдид қилди, деб хабар беради DW ахборот агентлиги.

АҚШ президенти Дональд Трамп Канада бош вазири Жастин Трюдога агар Канада Америкадан импорт қилинадиган товарларга божлар жорий қилса, импорт божларини янада оширишини айтди.

“Илтимос, Канада губернатори Трюдога тушунтириб қўйинг, АҚШга жавоб тарифларини киритганимизда, бизнинг кўзгу тарифларимиз дарҳол худди шу миқдорга ошади!” – деб ёзди у 4 март, сешанба куни кечқурун ўзининг Truth Social платформасида.

Ўша куни Трюдо Оттавада АҚШнинг кучга кирган тарифларини муҳокама қилиш учун ўтказилган матбуот анжуманида Дональд Трамп томонидан қўзғатилган савдо можаросига нисбатан агрессив позицияни эгаллади.

“Қўшма Штатлар ўзининг энг яқин шериги ва иттифоқчиси, энг яхши дўсти Канадага қарши савдо урушини бошлади...”, – деди Канада Бош вазири.

АҚШ президентига шахсий нутқида:

"Дональд, сен жуда ақлли йигит бўлсанг ҳам, бу аҳмоқлик", – деди у.

Оттава АҚШнинг хатти-ҳаракатларига қарши судга мурожаат қилишни режалаштирмоқда.

Жастин Трюдога кўра, сешанба кунидан бошлаб Канада 30 миллиард Канада доллари қийматидаги АҚШ товарларига 25 фоизлик бож жорий этади, қолган 125 миллиард Канада долларига божлар эса 21 кундан кейин кучга киради.

Бундан ташқари, у Оттава Вашингтонга қарши Жаҳон Савдо Ташкилотида судга мурожаат қилишини айтди.

Трюдо, шунингдек, Трамп “Канада иқтисодини йўқ қилмоқчи”, чунки бу Канадани “аннексия қилиш”ни осонлаштиради, деб таъкидлади. Канада бош вазири "бу ҳеч қачон содир бўлмайди" ва Канада "ҳеч қачон 51-давлат бўлмайди" деб қўшимча қилди - Трамп сўнгги ҳафталарда мамлакатнинг Қўшма Штатларга қўшилиши ғоясини бир неча бор илгари сурди. Трюдо шунингдек, тарифларни фентанил инқирози билан оқлаш "мутлақо ёлғон, мутлақо асоссиз, мутлақо нотўғри" эканлигини қўшимча қилди.

Трамп ва Трюдо ўртасидаги “одоб-ахлоқ”дан сўнг АҚШ Савдо вазири Говард Лютник АҚШ телевидениесида Канада ва Мексикадаги ҳамкасблари билан “кун бўйи телефонда гаплашганини” эълон қилди.

“У (Дональд Трамп. — таҳр.) келишувга келишига ишонаман”, – деди Лютник.

Унинг қўшимча қилишича, натижалар 5 март куни эълон қилинади.