Тожикистонда Қозоғистон маданият кунлари бўлиб ўтади
ASTANA. Kazinform – 2024 йилнинг 20-22 август кунлари Тожикистонда Қозоғистон Республикаси маданият кунлари бўлиб ўтади, деб хабар беради Кazinform ҚР Маданият ва ахборот вазирлиги матбуот хизматига таяниб.
Вазирлик маълумотларига кўра, Маданият кунлари доирасида бир қатор йирик тадбирлар ўтказилиши режалаштирилган.
20 август куни Душанбедаги “Ватан” кинотеатрида Қозоғистон киноси кунларининг очилиш маросими бўлиб ўтади.
22 август куни соат 19:00 да “Кўҳи Борбад” давлат мажмуасида Қозоғистон халқ артистлари ва хизмат кўрсатган арбоблари ҳамда халқаро танловлар лауреатлари иштирокида Қозоғистон санъат усталарининг гала-концерти бўлиб ўтади.
Шу билан бирга, гала-концерт бошланишидан аввал “Кўҳи Борбад” давлат мажмуаси фойесида “Қозоқ халқининг декоратив-амалий санъати” кўргазмаси томошабинларга тақдим этилади. Кўргазма XVIII-XX асрлардаги амалий санъатнинг ноёб намуналари асосида ташкил этилади.
